Pu Lian Za Thang (Hatzaw) leh pi Niang Khaw Ciin te sung pan 19.1.1957 kumin Dimmual khua ah suak hi. Unau pasal 5 leh numei 3 sung pan pasal ah a upen ahi hi. B.A, AGTI (Electric Engineering) zo hi. 1991 kumin World Association for Christian Communication-Asian Region te vai hawm na tawh Old Delhi ah Publication Course kah thei hi. Nu Ciin Ngaih Man tawh kiteeng a, (1) Lia Ciin Suan Kim, (2) Lia Niang Lun, (3) Lia Cing Biak Hoih, (4) Lia Nuam Sian Cing, (5) Lia Man Khan Niang, (6) Samuel Thang Khan Siing nei uh hi.
Nasepna: Manipur State kumpi nuai Electricity Department ah Assistant Engineer semin Lamka inn tawh kop in om thei ahih manin zaa khanna (Promotion) la lo hi. CBA gambup literature Board Commuttee Chairman sem a, zolai tawh kisai seminar te ah kihel kawikawi hi. Biakna lam leh minam kipawlna sungah ahih theih zahzah in lai lam nasep sem hi.
Mipil pa Birbal bu I & II, Zo paunak, Tehpih kam leh kam kop te, Thunget zia lam leh na (atei) Thong inn pan phatna ah (atei) Tedim pau tawh kibawl laibu te (Bibliography) William Carey: Tuhun mission nasem te pa laibu tea bawl ban ah Magazine tuamtuam te ah thului apuak hi. Zo people and Their Culture by Siing Khaw Khai Khetsat in, Kha sim kihawm Zomi Laizom International Magazine Founder, Editor Cum publisher te sem ngei hi.
Sanggamte: (1) Cing Gawh Niang, staff nurse + Dr T. Pum Za Thang, DMCW, Lamka, (2) Lian Za Chin Kham, BA., DEE, DGM(Elecd)+ Nu Ciin Ngaih Man(Tawmbing), (3) Hang Za Kam, BCom + Nu Cing Lun Niang (Bawmkhai), (4) Suan Za Man + Tuan Za Kap(Levang), (5) Gin Tung Tuang, BE. + Man Lun Niang, (GNM) Sister.