Suahna : Tedim khua ah Pu Gin Thual leh Pi Goih Don Cing te sung panin 19.9.1940 ni-in suak hi.Sangkahna:1947-57 SPS,SMS,SHS Tedim ah kah hi. 1958-59 kumin U Tha Din Special Grammar School, Pegu ah kahin Matriculation, tan sawm, ong hi.1959-61 in Rangoon Arts and Science University ah kah hi.1962 pan Institute of Medicine1, Rangoon ah kah hi.1969 kumin MB,BS ngah hi.1976-78 in Post Graduate School of Ophthalmology, Rangoon ah kahin D.O zo hi. 1994- 95 in Bob Jones University, Greenville, S.Carolina, USA leh, 1996 in Unitech Institute of Technology, Auckland, New
Zealandahkahhi.
Nasepna: 1970-72inCivilAsst.Surgeon cum, T.H.O Mindat leh Kanpetlet ah sem hi. 1972-1974
Ophthalmology kah kawmin Eye, ENT Hospital, Rgn. Ah sem hi. 1975-78 in Kachin State Manmalin ah Station Medical Officer sem in Eye lam sin kawm hi.1978-80 hun sungin Asst. Eye Surgeon, ENT Hospital, Rangoon ah sem hi. 1980-88 kum sungin Eye Specialist, Head of Eye Department, State General Hospital, Falam ah sem hi. 1990-94 hun sungin Head of Eye Department, Divisional Hospital, Labasa, Fiji Islands ah sem hi.
Zangkong Zomi Siamsin Kipawlna phuankhia: 1965 kumin RASU panin Zangkong Zomi Siamsin kipawlna aphuankhia, sangnaupang 8, te lak ah khat ahi hi.
Zo minam puan design bawl: A lungkim mahmah, a angtangpih asep khiat: Zangkong Zomi Siamsin Kipawlna ah 1965 kumin Cultural Committee Chairman sem hi. Zo minam puan kinei lo in ahaksatna amuh ciangin tuhun tawh kituak ding, angeina lui lah kemcing dingin tualpuan leh nik atualin design bawl hi. Ih Zo puan te original design leh characters teng kanpha kikin Tedim kiim aa khua neute ah zong kawikawi-in a hoih a etlawm dingin lempha in tualpuan leh nik design athakin bawl hi. Ama bawl design tua huna hong uk Chin Usi (Chin Affairs Council)-te thukimna la-in Zomi National Dress dingin kikipsakhi. Tua a kipanin Zominam puan leh nikte hoih takin tuni dong aneiih hihi. 1967kumin RangoonUniversity All Chin Student Union ah President sem hi.
Zomi dangte tawh ngaihsutna kituak lohnate khui kikin kilawmtaak nading hanciam tawntung hi. 1972-74 Eye Post Graduate akah laitakin Gen. Ne Win-in Zomi kumpi nasem ulian 40 thu om lopi-in politics tawh kisai-in, A che khan upadi a kibawl hun sungteng, akepcingte lak ah kihelin kum nih val asawt khit ciangin, Pu Chin Sian Thang, Pu Lian Uk, Pu No Zam, Capt. Hei Er leh Bohmu Kyin-te tawh Mandalay pan ong suakta uh hi. 100 KW Hydro Power: A nupa un, mei bek hi lo anhuanna, puansawpna, heater leh cottage industries, lettama, anhum gawina nasepna a kizang thei ding KW100 Hydro Power tha Kapteel khuapiauhaa, 2012 kum December 27, ni-in kihongin, Chin State bupah khua phelep thatawh tua bang akizat masakpeenna khua ahi hi.
Tu laitakin Chin State, Zogam mualtungmi khempeuh, Cikha dawn pan Paletwa khuataw dong leh Zaang Zomi, Asho Zomite tawh ivekpi-in “ ‘Zo people-Zomi’ kici minam khat ihi hi” ci-in i identity i san theih nading advocacy a neih laitak ahi hi. I minam min Chin pen, khat, midangte ong sapna hi aa ei leh ei Chin akici om lo, nih, ahi thei lo thu tanglai khanglui upna, “Chinlung kici kuahawm pan piang i hih manin Chin kici”, cih leh thum,‘Chin ong kipia khial hi aa, Zo hizaw’ci-in Chin mi nong pia Mangkang kumpi-in akisikna thugenkhiakhinzohi.Tuabanah,Sen mipil, Mangkang mipilte, Kawl mipilte leh ei Zomi mipilte-in zong Zomi ihihna thu aciapteh thute kaikhawmin sakmi khangmi-in i pom theih ciat nadingin lai at-in kihawm khia zeel hi. Chinmi akici, i sanggamte tampi amau zong “Zo hi ung” akicite tawh khut kilen khawmin ahanciam laitak uh ahi hi. Ni khat ni ciangin i vekpi-in Zomi ihihna i saan theih nading ngiimna lianpi khat ahi hi.
Zi neihna: Dr. Khin May Si ( Maisie Dong MB,BS. Rgn, FRCGP , Sydney) tawh 5.11.1985 in kiteeng uha, tapa 1 leh tanu 1 nei uh hi.
Tate : Tapa, Thual Mun Pau, (Min Dong), B.E, University of New South Wales, Sydney. Tanu, Cing San Niang (Sandy Dong) MB,BS, University of Western Sydney, Australia Tenna: 53 St Pauls Avenue, Castle Hill, NSW 2154, Australia.