Saizang khua Pu Neng Vum leh Pi Nok Za Ciin te sung pan 12.12.1931 ni-in suak hi. 1958 February kha in Pi Ning Za Thang tawh kiteeng a, tapa 5 leh tanu 3 nei uh hi.1949 kum Tan 9 a kah Kimlai Galkap Bu ut lua in tum san hi. Bu suah nading (1951,1956,1959) thum vei vilvel laivuan aa, ong napin tungsiah C.O ten khaktan ahih manin ngah thei lo hi. 1964 kum ciang Zomi (C.O) te om nawn lo ahih manin a li veina a vuan leh ong pah, kipia pah ahih manin OTS kah thei hi.
Sangkahna: (1)1955 kumin Galkap sang Lashio ah Tan 8 ong hi.(2)1956 kumin Galkap sang Lashio ah Tan 9 ong hi.(3)1958 kumin Galkap sang Lashio ah Tan 10 zo hi.
Zakhanna: 1.Lance CPI -1.1.1951,2.CPI – 1.1.1954, 3.Sergeant-1.10.1960, 4.Lieutenant -6.11.1965, 5.Captain -21.6.1973,6.Major-8.3.1986 Gam leh lei ading a tung aa bang a sep khit ciangin 26.12.1989 ni-in kum 57 phak kumin kumcing pension laa in tawlnga hi.
Khua ading mapan na: (1)khua ah ciah to in Hausa sem hi. (2)Khua sung mawtaw lamthak zikin zo uh hi.(3)Menzi Mangtal leh Vuandok Suang Khan Thang tawh kopin Tedim Saizang mawtaw lam zik hi.(4)Saizang khua 25 KV2 meiset pi zong ngah uh hi.Lametloh laitakin migilo te khut lum tawh ( 1996) ni-in hong nusia hi.