Pu Thawng Za Khup leh Pi Tel Kai te sung panin 20.4.1938 ni-in Saizang ah suak hi.1945-1952 kum sun SHS Tedim ah kah hi.
1953-54 kumin SHS Tedim ah Tan 10 (Matriculation) 2nd Divisional tawh zo a, Manglai Distinction ngah hi. A sang kah sung khempeuh a tan sungah a khat na ngah tawntung hi.
1954-1959 kum sung Rangoon University ah kah a, B.Sc degree ngah hi. 1959 kumin Direct Commission tawh Kawl galkap sungah lut hi. A hun hun in za khang to to a, No. (10) Burma Army Signals Regiment C.O sepna pan Lt.Col. tawh 1998 kumin pension la hi.
Bassein khua mi Daw Khin Hnin Aye tawh kiteng a, tanu 2 leh tapa 1 nei uh hi. Apa uh sun in laipil thei mahmah uh hi. (1) Kai Go Ciin -B.A, M.A (Eng) Lecturer, (2) Go Deih Hau -MBBS All Subject Distinction. (3) Pum Sian Mung -MBBS (5) Subject Distinction. 5.7.2001 ni-in pianna leitung nusia in hong paisan ta hi.