Pu Major. Mang Tung Nung leh Pi Lun Khaw Zam te sung pan 5.11.1938 ni-in Maymyo ah suak hi. Unau nga pha a, Khen Kang Lo, Hang Khaw Lian, Lun Za Dim, Kai Za Tuang leh Kam Za Mung te ahi hi.1970 kumin Lun Khen Zam (Kachin) tawh kiteng a, topa 2 leh tanu 2 nei hi. Zam Hoih Cing, Nung Za Tuang, Cing Zam Mang, Htun Lin Hang te ahi hi.
Galpi nihna sung Muizawl ah ciah to in SPS Cingpikot ah Tan 2 ciang kah hi. 1958 kumin Yangon St. Paul High School ah Tan 10 dong kah in zo hi.1958-61 dong Yangon University ah I.A part A leh I.A part B a kah laitak in OTS kah theih nading angah ciang 1961 kum Bahtoo ah Cadet kah hi.
-1961 OTS sangtuah phet 2/Lt zaatawh 23rd Prome ah nasep kipan
hi.
-1962 kum LT zaatawh a tatbup in Sagaing ah kikhin uh hi.
-1967 kum Captain zatawh 23rd Chauk ah kikhin leuleu uh hi.
-1970 kum PACK Transport ah Officer zaatawh Maymyo tung hi.
– 11971-74 kum sung Shwekyins, Panglong Shwekyin ah tung kik hi.
-1975 kum ciang Officiating Major zatawh No.12th Loilem tung hi.
-1976 kum 2nd IC zaatawh Staff College Bahtoo ah kah a, sang man ciang in Lt. Col. Zaa kipiain 74th Burma Regiment, Moegaung ah kisuan hi. Moegaung ah a sep sungin Phakant, Longkhin, Saitaung, tengah sem hi. Sen kang te gam lak sa a hi Kyukoh, Pangsaing, te ah zong nasem hi. A neu tung akipan a ut leh a gel den a hi. Galkap nasep nuam sa mahmah in gal zong hang ahih manin tungsiah te’n muang mahmah hi. Galkap sep kum 30 a cin kum, 1992 kum ciangin pension la in, Mandalay ah teng hi. Damloh na hangin kum 2004 September kha in leitung mangpha khak ta hi. 1942 Kum No. 2 Burma Riffle Maymyo Zopaltante Phuah:
(a) Tuizum mangkang mei bang hong khang, Zota kual zil bang ang liing, pianna i gam lei phal sing ee, (b) Namtem hiam a, i zogam lei lal ka nawh san, si-in zel heh, ngalliam vontawi ka laulo lai ee.