Pu Neng Thawng (Tonsing) leh Pi Suah Dim (Songpuut) te sung panin 12.8.1923 ni-in Tedim khua ah suak hi. Suahpih sanggam pasal 6 leh numei 2 nei hi. Pau Za Gin OB (Tawmbing) leh Pi Man Za Vung (Ngaihte) tanu nihna, Niangh Za Dim tawh, 1946 August 31 ni- in, Tedim khua ah kiteeng uh hi. Sanggam laizom te; Cing Za Vung (Neu lai a si); Cin Khai (Si); Song Pau (japan gal sung C.D.A sepna pan si); Langh Khup (Neu lai a si); Don Ciin (Nungak no a si); Philip Khup Za Cin (si); Dr. Roland. Thang Za Khen M.B.B.S (Rgn) (si); David Dim Lam Thang B.Com (si); Khup Khan Zen (si).
Sangkahna: Tan 1 pan manglai tan 6 ciang Tedim ah kah hi. 193639 ciang Falam, Anglo Vernacular School ah kah-in tan 8 ciang zo hi. Tua hun lai-in Khamtung gamah mawtaw om nailo ahih manin Tedim panin a van zattawm ding teng uh pua-in, Falam khua khe tawh apai ngiatngiat uh hi. 1939-1941 kum St.John’s Diocesan High School ah kahin Matriculation (tan 10) Maths Distinction (Full Mark, 100) tawh zo hi. Siapi P.Gin Khaw Thang leh Sia A. Lun Pum te tawh matriculation, 1941 kumin, a zo khawm ahi uh hi.
Judson College ah kahin Sciences Subjects teng la hi. Japan fal (WWII) hong tun ciangin, sang zom thei nawnlo, Tedim ciah kik hi. Japan gal khit ciangin Rangoon University ah, sangkah zom kik a, Arts Subjcts (Mathematics, History, Economics) la-in, 1948 ciangin, I.A (Part B) zo hi.
Biakna sung sepna: Rangoon St.John’s Diocesan High School akah sung, 1939 kumin tui kiphum hi. Biakna lam hanciam mahmah-in, khangno makai, Choir leader ahun neih zahzah in sem hi.
Japan galsung nasepna: Imphal-Tedim mawtaw lampi (Tiddim Road) zikna ah lam kamphen sem hi. 14.3.1944 ni-in, 17 Indian Division ten Tedim khua hong nusia a, tua khit a kipan Japan/Nippon ten
Tedim gam hong uk hi. Japan te khutnuai ah Ciimtang, Dimlo khua ah Lam kamphen sem hi. Japan ten Tedim khua anusia khit ciangin, galtaina pan 21.10.1944 ni-in, Tedim khua zuankik hi. Mangkang kumpite hong tun suk kik icangin, The Assistant Superintendent’s Office ah, Piada (Peon) tua khitteh P.W.D ah Lam kamphen sem hi. 1.11.1944 a kipan W.C.L ah store clerk na sem leuleu hi.
Zomite laitheih nading vaihawmna: June 12, 1945 anih vei-na, Tedim gam khantoh nading vaihawm pawl kikupna (Meeting) pan, Zo Educaton Board (Z.E.B) naphuan khia uh aa, 6.12.1945 pan 14.7.1946 ciang Z.E.B President sempah hi. Private National Anglo Vernacular Middle School naphuan khia uh hi.
Z.E.B President asep sungin, tan sawm sang (High School) hon nading geelna tawh, 2.1.1946 ni-in, Ukpipa leh Tedim gam khantoh nading vaihawm pawl tawh meeting na bawl leuleu-in, Private High School na Phuankhia uh hi. University kahkik nuam ahih manin, Z.E.B a president sepna, tawlkhat sung Pu Pau Za Kam leh Pu S.T Hau Go tung apkik hi. Rangoon University pan I.A (Part B) zawh khit ciangin, 13.6.1948 pan 17.10.1949 ni ciang dong Z.E.B President leh High School Headmaster sem khawm leuleu hi. (Note: Z.E.B ah a “Z” pen “Zo hi. “Zomi” hilo hi.
Sum bawlna leh Import & Export License ngahna: Import & Export Business sem dingin, 24.11.1949 ni-in, Tedim pan dingkhia hi. Import & Export License aa siauhlua, sabuai tung panin Import & Export License ngah hi. Zomi lak pan, Import & Export Licene angah masa pen ahi hi. Tua hunin Kala mihau te leh Sen mihaute bek Import & Export Licnse kipia hi a, Kawlgam mi lak pan, amah leh Kawlmi, nidang a Globe Cinema Hall neipa (Tu hun laitak Trader’s Hotel/Sule Shangri-la Hotel kilamna mun) bek ahi uh hi.
Trading Company, Importer, Commission Agent and Motion Picture Distributor; Cable: “Walker” P.O Box 1392; 199 Phayre (Pansodan) Street, Rangoon, Burma ah zum na hong hi. Kala mihaute tawh ki meltheih ahih manin, Rangoon panin, India gam khuapi te ah, HUNDI a kici sum khakna (Money Transaction) leh Rangoon pan Calcutta, Bombay, New Delhi leilam (Khamtung gam tawn in) sumzuak sumleina na mukhia masa hi.
Tedim pan Rangoon: 1949 December 3 ni-in, Rangoon tung a, Y.M.C.A Hostel, No. 118 27th St, Brooklyn St, 50th St, Uwizarah St, Minigone, 199 Phayre St. cih te ah teeng kawikawi hi. Zomi (Chin) buppi sung pan Rangoon khuapi ah innkuan pih tawh ateeng masa pen ahi hi. (Kumpi nasem leh galkapte simloh).
Gamdang zinna: Company nasepna ah tawh kizom in 12.41950 in Calcutta, New Delhi: Jan 1952 in Calcutta: 2.2.1955 in Calcutta leh Bombay, Hongkong, Singapore: Ni 2 pan ni 30, Aug, 1957 in Hong Kong leh Singapore: 1958 in Japan gam na zin zelzel hi. Zomi sung pan, Hong Kong, Japan, Singapore apai masa pen ahi hi. Galkap kumpi hong khan ciang, 1964 kumin, Chin Trading Company nasep khawl hi.
Khua leh tui, mipih sapih te khantoh nading: Khuapih, tuipihte mit khua muh nading ngaihsut natawh, innlam aciah sim in, Hollywood pan a, a vaikhak motion picture film hoih nono te leh projector puato ngiat in, tedim ah Datsian (Cinema) ih cih te lak zelzel hi. (Tarzan 1958 kum in lak).Tua hun lai in Tedim pan Rangoon sum khakna ziakai lua ahih manin, University sangnaupang te leh High School sangnaupang te adingin, account book honsak aa, sum kisam bangbang in sum puulak (advance) ama sum pan in, na pia khol a, sum tu’n ciangciang in amet lalo in lohkik sak hi. Falam, Haka, Mindat, Tedim, Thantlan…, cih deidanna neilo in, Rangoon ah omna ding mun neilo khamtung (Chin) mite, a zumkhan 199 Phayre St. ah man ngenlo in omsak hi. (Haka lampan, Hrang Nawl MP, Rev Za Bik MIT Professor).
Tedim gam, Zolai tan 4 sang teng kituh dingin, a pa, Pu Neng Thawng min tawh Ks.600 man Pu Neng Thawng Knock-out Shield khat napia hi. 1968 kumin Zangkong Zomin Siamsin, kipawlna sangnaupangte leh Tedim khuasung khangnote tawh Tedim khuapi sung tengah, Phuitong singno suansak in, Vok tuk 4 khat tawh anvak hi. Sakollam sang tualpi (Kam Hau tualpi) thak apian nadingin, nakpi tak in, maa napang hi. Sapan ciangh panin Kawlpi ah mawtaw lam zik leeng, tai 20 bang naizaw ding hi ci’n gengen hi. 1st Pyitu Council hun, Sapan-Zozang lampi a kizik ciangin, Pu Zam Cin Thang (Chairman of Township People Inspector) in, Nu Ciin Man Niang kiangah, nidang aa, napa gengen tu’n hong taangtung pan hi ci hi. Tedim khua tuinek ding, Sialtaanglui tawh tuiki samkaih luineu te pan, Zo tuilak in mawtaw lamlui dungah la leng cih ngaihsutna anei pa ahi hi.1975 kum, January 8 zingsang nai 5:30 pawlin, Tedim khua a innpi panin ih biak Pasian kiang hong zuatsan ta hi.
Pu Khup Za Cin leh Pi Niangh tate: 1. Dim Lam Cing B.Sc (Chem) B.Ed + Ngun Uk (Deceased), USA, 2. Vung Zam Niang B.Sc (Zoo) + Nang Gin Dal B.A (Geo) USA,3. Ciin Man Niang B.Com (I.T) + Khup Khan Thang B.E (Civil), USA,4. Gin Lian Cing (2nd Year E.Co) + U Aye Thwin (Deceased), Yangon,5. Cing Khawn Vung (Tan X B-List); Deceased 6. Thawng Khan Lun + U Khin Zaw, Yangon,7. Thawng Man Mang (Deceased),8. Cing Suan Mang B.A (Eco) + U Aung Myint A.G.T.I (E.O), Yangon,9. Thawng Thawn Mung B.E (Electronic) + Niang Neih Dim B.A (Geo) Blue Staff, USA, 10. Khai Kim Thang B.A (History) + Pau Za Dim B.Th, M.Div., Australia,11. Ciin Kom Kim (Tan X B-List), B.Th + Thang Cin Pau B.Th, M.Div., USA,12. Gin Sian Tan B.A (Burmese).Tu 25, tusawn 13 leh tusawn sawn 1 nei hi.