Rev Khup Lian Mang pen Capt. Tang Gin Hang leh Nu Ciang Za Don te sung panin July 16, 1949 ni-in Yangon ah suak hi.
Tedim khua-ah Tuiphum Pawlpi (ABM) sung pan khangkhia hi. 1967 kum a pianthak ma-in tui kiphum hi. 1973 kum Tedim gam kha khanlawhna hong tun ciangin piangthak hi. A pianthak zawh
ciangin Tuipi, Pangzang lamah gupna thu genin pai kawikawi hi.
EBC Pawlpi a kiphuh zawh 1975-1977 sung Tedim EBY ah
chairman sem a, tua lo kum tengin khangno advisor sem hi. 1978
kum A.G Pawlpi tawh kikhenna hangin upa ding kisam lua ahih
manin tangval laipi mahin kum (3) sung upa sem hi. Tua khit 1980-
1983 sung upamah sem kik hi. 1984-1988 sung Berean Baptist
Bible College & Seminary Bangalore, India ah Lai Siangtho sangkah
a, B.Th; B.D ngah hi.
1993 kumin EBC gambup ah President semin, Tedim EBC pastor leh FBBC&S ah zong Lai Siangtho sangsia sem hi. June 16, 1996 kumin Yangonah Shalom EBC Pawlpi phuanin a innkuan un om hi. Azi Thang Hau Niang tawh tanu 1 leh tapa 4 nei uh hi.
Tate:(1) Rev Hang Tung Mung (M.Div), Lecturer Faith Baptist Theological Seminary.(2) Pa Thang Kim B.Economic.(3) Tg Thawm Sian Suang Hotel & Restaurent Management,(4) Pa Dal Kip Khai (B.Th) + Nu Vung Tawi Cing (LLB).Sanggamteng: (1) Rev. Dr. Khup Lian Mang + Nu Thang Hau Niang (Phiamphu), (2) Nu Ngai Khan Cing + Pa Laang Lian Mang (Dopmul), (3) Nu Cing Lian Vung + Rev Zawlin (Kawlte), (4) Pa En Khan Thawn + Nu Ngai Lun Cing, (5) Nu Niang Ngaih Ciin + Rev. Dr. Do Suan Mung