Pa Sian Zam (Jasuan) leh Nu Niang Khaw Nuam (Suksak) te sung pan 1.1.1963 in Tedim gam Zangzawl khua ah suak hi. Pianpih unau 7 sung pan naulai 4 na hi. 1980 kum pawlin a innkuan un apa makaihna tawh kawlpi ah lal uh hi. Nu Nuam Khan Cing tawh kiteeng a, tapa 3 leh tanu 3 nei uh hi.
Sangkah na:Tan lang pan tan sagih dong SMS Mualbem, tan 8 pan tan 10 dong SHS Kalemyo No. (1); 1982-83 kum Monywa College ah kum 2; 1984-85 kum Mandalay University ah Mathematic Subject tawh B.Sc; 1993- 94 kumin Yangon Education University pan B.Ed hong ho hi. 1997-2001 sung Serampore University India B.D kah hi. 2008-2010 dong Philippines Christian Universityah Doctor of Missiology (D.Miss) degree ngah hi.
Nasep na: 1986 June kha in Tualmu SPS ah (PAT) tawh nasep kipan hi. SHS (1) Tedim ah tan 10 te Mathematic Subject hilh ding in kisam hi. 1987 kum Feb kha ciang (JAT) promotion tawh SMS Mualbem tung hi. 1991 kum May kha in SHS (1) Tedim sangpi ah tan 10 Mathematic Subject hilh ding kisam leuleu hi. 1993 kumin (SAT) promotion tawh SHS (1) Tedim ah sem a (Math) Subject hilh Distinction tawh ong zel ahih manin laihilh siam Pahtawina sang zelzel hi. 1996 kum ciang Dr. Gin Khan Khual tawh kithuah in Boarder “Sopha Mission Hostel” hongin makaih hi. 2001 kum Serampore pan Sang man ciangin Pinlong Baptist Church nasep kipan hi.
2002 kum pan 2007 dong KZBA (E&M) sem a, Pawlpi thak tampi kibehlap ahih manin KZBA gambup in Pahtawina letsong pia hi. 2005 kumin gambup in Siampi zaa pia hi. 2006 kum Zomi Theological Seminary (ZTS) ZBCM ah kumkhat makaih hi. 2008 Feb kha pan KZBA General Secretary ding in kiteel kik a, kha 4 sung a sepkhit ciang sangkah dingin Philippines ah hong paisan hi. 2010 kum Philippines pan sang aman ciang hong ciah a, Pawlpi sungah nasep zomkik hi. 2011 kum ZBCM-GM TamupaninZBCM ah Mission Secretary Fulltime dingin kiteel a, tuni dong semsuak lai hi.
Tate:(1)Lia NuamSianHuai Tan(10) ong (2)Tg Zam Lian Khai Tan (10) ong (3) Lia Zen San Nuam Tan (8) (4) Tg Nang Sian Sut Tan(6),(5) Lia Dim Let Nuam Tan (3), (6)Tg Langh Sian Pau.