Laphuak leh lasiam Sia Stephen Mang

Min pi: Gin Lal Mang ( Stephen Mang )

Kham khua: Pangmual (Cikha Myone)

Suahni: March 13, 1976

Pilna: M Div

Pianna Tuun leh Zua min : -Niang Khaw Cing -Pa Ngai Za Thang

Sanggam Laizom te min : -Cin Sian Thang -Rev Vungh Suan Lian -Lam Han Khup -Zam Don Cing -Gin Lal Mang ( Self )

Ukna (Hobbies) : La, Music, Laisim

LST Mun : Late 23 bup

GZC Q1. Laphuak/Lasak/Music sung na kidiah zawh asawt ta na. Nong genthei ding hiam?

Dawnna: Kum 15 kiim a kipan music turn biakinn khawngah, alem na munmun ah turn, lasak lian taktak bel ka pianthak ciang lasak kipanpan ing, kum 19 ka phakin Piangthak in LST sangkah in tua a kipan lasa ngam pan ing. Kum 20 ka phak ciangin, hong nusia khin Rev Dr Zogam Lalpu in lakhum dingin hong zawn a Ebenezer no 7 ah la dawng 2 na sa ing. Laphuah pen kum 2000 khit a kipan tarn phuah pan ing.

GZC Q2. Zomi sung kawlla, mangla leh minam dangte i la vasak pihthei le va tumpih theiding ih neih na angtang hiam?

Dawnna: Angtang lua kisa, ih gambup music/la tawh influence zo semsem lai leeng ut ing.

GZC Q3. La/Music/Note nang i idea ngiat tawh nagelh gei hiam, Na lasak/laphuah/ lakpan hoih nasak pen in bangla?

Dawnna: Ka laphuah te kei idea vive hi, copy late bel thutuam ci ni. Ka laphuah lak pan ahoihpen cih danin gen thei tuan kei mai ing, ama mun panin hoih sa gai ing. Ahih hang “Penpen Tuunnu” cih la in bel mi nuntakna tarn sukkhak pen leh kilawm sa ing, ka phuah, ka record a kipan tuni dong, na laphuah in hong sukha lua, kikhelna in na nei ing, cih a kipan tuni dong za toto lai ing. “Nute Ni” hong tun sim in Biakinn ah adiak in India a i mipihten na sa den lai uh hi.

GZC Q4. Zomi te koici kalsuan leng mailam ah music lam ki khangto theiding?

Dawnna: Hanciamna kisam sa ing, tu a sang ih khantoh zawk theih nadingin, hanciam, ei thu in kan kawikawi music sang akah zolo ten zong online panin pilna ngah theih nading tamlua ta hi. Hanciam in hi peuh leeng khamtung khuano khat panin zong Master dong ngah zawh nading pilna kikhuat khia thei lua hi. Hanciam ni!

GZC Q5. Music tawh a kisailo na gennop khatpeuh hong luikhia dingin hong thuum ungh.

Dawnna: Gennop bel tamlua, ahihhang khat hong gen ning. Zomite kithapiakna kisam sa ing. Mikhat in laibu a bawl leh leisak pah ziahziah leeng hong bawl kikkik zo ding hi. Music album khat a bawl leh leisak pah siausiau leeng hong bawlkik nuam pah ding hi. Album bawl thak khat, i-meltheih ahikei zongin lungdampihna laikhak cihte ciing leeng hoih sa mahmah ing. Hibang interview na ah kei nong hel khak manun angtang kisa ing.

GZC :- Lungdam lua ei maw, kahun geelte uh hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzangh toto laita in. Na Zomi pihte in hong angtang lua ungh.