Mualnuam (D) Khua

1. Khuasatna thu

Falam Pawigal launa hangin Khuasak khua, Lophei khua leh Khuakhuan khua te ah a ki-om theih nawnloh ciangin Sinzang miteng, Thuklai khuapi-ah, kum sagih sung tengkhawm tadih phot uh hi. Thuklai khua ah kum sagih sung a kitenkhop hunsungin Pu Lun Kam, Pu Hen Khup, Pu Mang Lam, Pu Mang Lam, Pu Ngo Mang, Pu Thang Pau, Pu  Kim kam, Pu Thuk Son leh Pu Thuk Khupte in vaihawm uh a, lo khawhna dingle singhalh gam ding teng hawmin, amau tan ciat, ‘bilgam’ a suah ciat uh hi. Pulepate in amau tansa, ‘bilgamte’ kuamah hawm nuam nawn lo uh ahih manin, Thuklaikhua-a a pemte leh inntuan dingte in innmun logam a ngahna ding ham sa ta hi. Hih thu hangin Thuklai khua panin innmun laogam nei lo teng in hih Dolluang gam ah khua satkik ding a kithukim uh hi. 1873 kum in Thuklai panin Pu Vum Thang, Pu Thuam Kham, Pu Ngo Khua Thang leh Pu Do Kham te makai in a sat khua ahi hi. Dolluang gam sung khua kisat masakpen na khua ahi hi. Haksatna tuamtuam tawh 1875 ciangin Thuklai ah ciahkik uh hi. Cingpikot panin Suante Pu Kham Za Neng in cikhum tawi 1 le bawngnawi bung 1 tawi-in, Dolluang Hausa Pu Khual Khaw Thang1 Rev. Thang Ngin le Sia Suah Kamte tungah Pu Awn Za Do leh Pu Kham Tualte tawh khua sat theihna dingi ana kingetna bangin a kipia ahi uh hi. 10.1.1948 ni in Cingpikot khua panin khuano mi inn 12 in a nih veina Mualnuam (D) a sat kik ahi hi.

1. Khua min vawhna thu

Thuklai pan Pu Vum Thang te in khua satcil hun lai-in, hih Mualnuam khua mun teng pen, a mual kidawhdan, amun nuam mahmah ma mun ahih manin, mun min lawhna dingin  “Mualnuam khua” kimin vawh pah hi, ci-in Thudot Pupite in ana ciamteh uh hi. Dolluagn osu gam sunga om khua ahih manin, “Dolluang Mualnuam khua” ci-in kiciam teh a, Zumlai lai tuamtuamte sungah a kigelh ciangin, Mualnuam D. khua ci-in kigelh hi.

1. Beh om teng
   1. Gualnam
   2. Gualnam-Halkik
   3. Naulak
   4. Suante
   5. Samte
   6. Tawmbing
   7. Songput
   8. Gualnam-Zuisang
2. Pawlpi om teng
3. ABM
4. RCM
5. Laipian
6. AG
7. Sanginn :Basic Education Primary School
8. Zato : Nei nailo
9. Inn phazah (Feb, 2023) : 20
10. Innkuan phazah (Feb, 2023) : 9
11. Mi phazah (Feb, 2023) : Pasal (59) + Numei (41) = 100
12. Thu tawk nate
13. Hausa Pu Ngin Dai & Siapi U Son Khan Dal
14. Pathian ompui Dolluang khua since 1897
15. Public Health Department record file, Tedim Hospital
16. Schools Profile, Basic Education Department – Tedim Township