Khaikam Khuapi

1. Khuasatna thu

1966 kum in Tittaw Mengyi U Hau Za Nang Kimlai ii vaihawmna tawh Tai 9 ah Pu Suang Za Nang, Pu Son Khua Hau, Pu Pau Vum, Pu Ngin Khup, Pu Ko Net, Pu Lian Pau, Pu Awn Khua Thang te in  khua na sat in Pu Lian Pau in hausa na sem hi. Theizang ohsuh sungah khua khat in kumpi in koih hi. Tai 9 kici phot a, 1979 kum ciangin Bo Khai Kam phawkna dingin Lt.Col. E.K. Kim Ngin in Zogam makai a sep hun sungin Khaikam khua ci in a min laih a, tua mun ah Pu Khai Kam Park khat bawl hi. Khaikam khua ah Police zum, Forest le sing bawlna, Lotho zum, tan 10 sangpi, MPPE le ganno khawina cih te om hi. Khatvei lai in Zogam makai te vaihawmna tawh khuaimei bawlna zongh om ngei hi. Khaikam leitangh tungah kumpi te in Khaikam College khat hong koih aa, 16.7.1990 ni in kihong hi. 1993 kum ciangin Kalay College kici hi. 7.7.1999 ciangin Degree College in kikhanto hi. 14.5.2003 ciangin Kalay University kici hi. 11.2.2016 ni in Khaikam khua in Myo (town) ngah in, veng 4 in kikhen hi. Kumpi zum te zong om in, Tedim District sungah kikoih hi.

1. Beh om teng
   1. Khenglot
   2. Khaman
   3. Mangtawn
   4. Mantuang
   5. Naulak
   6. Tawnzo
   7. Tungdim
   8. Thatmun
   9. Vungthuam

1. Pawlpi om teng
   1. ABM
   2. RCM
   3. Buddhi
   4. Jehovah Witness
   5. AG
2. Sanginn : Basic Education High School
3. Zato : Sub RHC
4. Inn phazah (2020) : 676               
5. Mi phazah (2020) : 3775
6. Kivaakna
   1. Lo khawh
   2. Van zuak
   3. Gamdang pai
   4. Kumpi nasem
   5. Gan khawi
7. Thu tawk nate
   1. Pu Lian Pau, hausa
   2. Theizang khua leh Tuiphum pawlpi tangthu, 2011
   3. Thuklai khua leh Sizang ngam tangthu, 2020
   4. Public Health Department record file, Tedim Hospital
   5. Schools Profile, Basic Education Department – Tedim Township