Gamlai Khua

1. Khuasatna thu

1910 kum khawng panin Tungtuang leh Tonzang panin Gamlai gam ah Lo na galkhawh uh a, kinilehleh zolo uh ahih manin na giakdeen uh hi. Lobuk tezong gina takin lam uh a, inn bangmah phial in bawl in tenden uh hi. Tua bang kawmkalin Tapidaw suahna hangin Ukpite leh Tapidaw te kikal ah kinopmawhna a om ciangin Tungtuang leh Tonzang panin Tapidaw te pawlkhat na lal khiakhia uh hi. 1915 ciangin Tungtuang hausa leh upa te sung pan Pu Dim Kham leh Pu Khawl Gin in ‘khuapih te Kawlzang ah a lal khit ding sangin Gamlai gam ngen in, ih ngah leh nauzaw inntuan ding, logam nei lo peuh va teng le uh’ ci in vaihawm uh a, kampau mukpau a siam Pu Thang Do (Milun) cial in, Tonzang Ukpi Pu Hau Cin Khup kiangah a ngensak hi. Pu Khup inzong phalna na pia hi. Tua kum 1915 kum in kuamah lalbeh zo tuan lo in, 1917 kum in Tungtuang khua pan pawlkhat leh Anlangh pan pawlkhat kigawm in beh nam 8 tawh pupi te 17 in Gamlai khua na sat uh hi. Lethil beh Pu Dah Cin in hausa na sak uh hi. AD 2000 kum ciangin Thahlang Sabuk a cihna munah pawlkhat in khuathak khat sat uh a, tudong in tengsuak uh a, Gamlai khuathak kici hi. Tui, Tuimei zong nei in, Zolai sanginn leh Tualpi  zong nei uh hi.

1. Khua min vawhna thu

Gamlai khua akisat ma in Gamlai khua cih khuamin na om ngei hi. Gamlai gam pen Tonznag Daihual sung hi a, Tedim leh Tonzang Myone a kikhen ciangin Tedim myone sungah kikoih hi. Gamlai khua saklam khempeuh Zo gam hi a, a khanglam teng Simgam ahih manin Gamlai na ci uh hi. Tua  banah Tonzang ukpipa in a gam teng a vaan ciangin Gamlai khua mun pen tawlngakna in na nei in, giahbuk na lam hi. Tonzang gam pan sa beng te inzong gam laizang pen sa uh ahih manin giahbuk na lam uh hi. Tua manin ukpipa adingin zong gam laizang suak ahih manin gamlaizang a kicihcihna pan “Gamlai khua” a kici suak ahi hi.

1. Beh om teng
2. Lethil
3. Hatzaw
4. Suante
5. Naulak
6. Sote
7. Gualnam
8. Zilom
9. Suankhup
10. Hatlangh

1. Pawlpi om teng
2. ABM
3. AG
4. Yahweh

1. Sanginn : Basic Education Middle School, Gamlai

: Basic Education Primary School, New Gamlai

28. Zato : Sub Rural Health Center (28.12.2009), Gamlai
29. Inn phazah (Feb, 2023) : 75
30. Innkuan phazah (Feb, 2023) : 70
31. Mi phazah (Feb, 2023) : Pasal (269) + Numei (230) = 499
32. Kivaakna
33. Lo khawh
34. Gankhawi
35. Kumpi nasem
36. Gamdang pai

1. Khuami te sungpan a madawk deuh te
   1. Khaat Khaw Gin, Zogam pastor masapawl
   2. Langh Za Pau, Tedim aa teng masapawl
   3. Go Lian Thang, SBC pastor
   4. Deacon Ngul Khaw Pau, Yahweh pawlpi phuanpa
   5. Tuan Suan Dal, AG pastor
   6. Go Za Nang, AMC pawlpi neipa
   7. Tuan Suan Thang, AG Pastor
   8. Kham Khen Tual, AMC phuankhiapa
   9. Job Nang Khaw Thawng@Job Thawngno, Zomi te laka Laibu tam bawlpen
   10. Dai Khen Mang, Ngabeng lasa leh ciamnuihsiam
   11. Go Sawm Khup, ZIUSA makailui
   12. Man Suan Cing@Esther Cingsan, lasiam
   13. Dorcas Liansen, Lasiam

1. Thu tawk nate
2. Chin Khan En, hausa
3. Gamlai Centennial Jubilee Magazine (1917-2017)
4. Gamlai Siakhawk Tuiphum Pawlpi Kipawlna Diamond Jubilee Laibu (1945-2020)
5. Public Health Department record file, Tedim Hospital
6. Schools Profile, Basic Education Department – Tedim Township