Anlangh Khua

1. Khuasatna thu:

Tu aa Anlangh khua ah zankhawng in Thado te na tengngei uh hi. A khua min taktak uh pen, ‘Lasan khua (Lahosan kung tampi pona’ ci-uh a, a khua gei-a lui min zong tu dongin ‘Lasan lui’ a kici hi. Mikang gal thu a kigal zakzak ciangin pawlkhat in galvai lungmuang zolo in, Tedim pan Muizawl ah, Muizawl pan Tongsial na zuan uh a, pawlkhat in Tedim pan Vanglai (Ngennung gam) ah cih bangin na pem kawikawi uh hi. 1878 kum pawl in Ngennung khua panin Hatlang Pu Am Tun makaihna tawh  Gualnam Pu Lam Suang te unau, Naulak te Pu Thang Luan te leh Pu Nok Kham te unau tawh Meitei gungal kaaikhia-in, tulai Anlang khua nuailam “Khuamun” kicihna mun ah na teng uhhi. Khuamun ah kum 20 bang a tenkhit uh ciangin 1896 kumin nat hoihlo tung in a hausapa uh Pu Nok Kham akipan luang 40 bang hong sih ciangin 1898 kumin tulaitak aa akitenna mun ah hong kituah uh a, tudong in khuakip suak in “Anlang khua” kici suak hi.

1. Khua min vawhna thu:

Khua omna mun pen mual in kiimkot in, van kua toi ahih manin singkung lopa te khangnuam diak in, lo khawhna ah zong ankung te hoih in, ankhing kham mahmah uh hi. A ankhing te nangawn uh ui leh ak nangawn in gai zolo in, a kongzing te uh ah na bua khia uh a, tua ankhing kibua te mundang nangawn panin kilangh ahih manin “Anlangh khua” a kici ahi hi.

1. Beh om teng:
2. Hatlangh,
3. Gualnam,
4. Naulak,
5. Sukte,
6. Suante,
7. Sote,
8. Buansing,
9. Tohing

1. Pawlpi om teng:
2. ABM
3. Thang Za Kam pawlpi,
4. Church of God,
5. BCBC,
6. SDA (Mission),
7. SDA (Conference),
8. Laipian,
9. New Apostolic Church,
10. RCM,

• TCBC,
• AG,
• CBC

1. Sanginn : Basic Education Middle School
2. Zato          : Rural Health Centre (17.1.2010)
3. Inn phazah (Feb, 2023) : 150
4. Innkuan phazah (Feb, 2023) : 150
5. Mi phazah (Feb, 2023)          : Pasal (532) + Numei (510) = 1042
6. Khuami te sungpan a madawk deuh te
   1. Luan Don, Tedim ah niangtuisai nei masapawl
   2. Dr Hau Za Cin Pau, Zogam ah tan 10 zo masa(1932), Zato siahuan masa leh Tedim aa teng masapawl.
   3. Col.Kam Khan Thawng
   4. Judith Go Lun Niang
   5. Dr Lian Khan Cing
   6. Dr Cing Deih Lian
   7. Dr Gin Lian Mung, Ph.D
   8. Sia Suan Sawm Sang, SDA Radio AWR pan thugen aa minthang
   9. Dr Sian Cin Zam
7. Thu tawk nate
   1. Public Health Department record file, Tedim Hospital
   2. Schools Profile, Basic Education Department – Tedim Township
   3. Anlangh khua kum 136 cin Jubilee (1878-2014)
   4. Lethil Innkuan Laibu, 2022
   5. Tedim No 1. BEHS Golden Jubilee