Tg Siam Za Khai (a) Khai Boih

Suangsang khua Pa Thang Za Siing (Zilom) leh Nu Cing Sian Mang (Songput) te sung pan 2.10.1991 ni-in Tedim khua pi ah suak hi. Sanggam laizom pasal 4 leh numei 1 pha uh hi.  (1) Pa Thang Sian Suum B.Sc (Geology) (2) Tg Siam Za Khai B.Sc (Physic) (3) Lia Zam Nuam Kim B.Sc (English) (4) Tg Zam Thawn Kim (Matric) (5) Tg Thang Suan Khual te ahi hi.

Sangkahna:  -Tan lang pan tan 4 ciang No(1) BEHS Tedim 1997-2001, -Tan 5 pan tan 8 ciang BEHS Thuwana, Yangon 2002-2005,-Tan 9 pan tan 10 ciang No(1) BEHS Pazuntaung, Yangon 2006-2007, -AGTI (First Year) Thanlyin, G.T.U, Yangon 2007-2008,-B.Sc (Physic) Dagon University, Yangon 2009-2011.

Taekwando kimawlna:-2008 kum pan YTC Club Yangon ah Taekwando (TKD) sin kaki pan hi.- 2011 March, Myanmar Taekwando Federation, Aungsankuan ah Camp lut in training kipan.-2012 October, The 7^th Gyeonju Korea Open International Taekwando Champion.-2012 November, The 9^th Gyeong Sangnamdo Provincil International TWD Champion.-2013 March, April, Thai National Team tawh Bangkok ah Training bawl.

2013 May, 11^th ATF Taekwando Championships 2013, Naypyitaw, Myanmar.-2013 June, Best of the Best U.I.I Pro International Club Open Yog Yakarta, Indonesia. -2013 Sept & Oct, Korea ah (Seagames) a ding training bawl kha nih sung. -2013 November, 4^th Asian University Taekwando Championship & 1^st Asian University Open Competition, Cheong Yang, Korea. International Competition pan: Silver khat leh Bronze khat tuak medal ngah hi.

Hih ciang tung sa, 2013 Naypyitaw Seagame kimawl ding lian ciang kimawl sak nawnlo hi. “Manta khal gah kaneek man hiam? Nah tang to lawk kaneek man hiam?” “Zomi aw, khanglo in laa, tho to dih in” Zomi hang maw, tapidaw hang maw”! (Laibu bawlpa).