Pa Sian Cin (Taithul) leh Nu Sian Za Vung (Kunhen) te sung panin 4.5.1940 kumin Tedim Myone Bumzang khua ah suak hi. Zolai sang pen Bumzang mission sangah kah a, Middle School pen Gamngai sang ah kah hi.
15.10.1956 kumin Galkap tum a Maymyo khua galkap sangah kah hi.
1957 kumin No.203 galkap mawtaw zum Hmawbi ah mawtaw hawl sin hi.
1958-1959 galkap sung Battalion kimawlna ah kihel den hi.
1960-1961 Hmawbi galkap Battalion ah kimawl hi. (Myone Ciang).
1962-1963 Hmawbi District leh Insein District te ah kimawl hi.
1964 kum ciang (A le pai tai sit tha nah choh) Bawlung Team ah a siam pen leh a hoih pen pahtawina ngah hi. 1964 kumin Burma Army Selected pan Burma Selected Team First Line up in hong kiteel hi. Kawlgam sung bawling tual khempeuh ah kaki mawl hi. Gamdang pan China, Singapore, India, Japan, Hongkong, Malaysia, South Korea, Thailand, te tawh ka ki mawl uh hi. Bahaadur tawh Center half ah ka ki thuah uh hi.
1963-1965 sung Zomi sung pan U Hang Kho Lian, U Langh Khan Thang, U Hang Siing tawh ko teng Burma Army Football Team ah ka om uh hi. 1967 kum Zen Za Thang (Gawngmual) te tembaw tung pan kia in si kei leh Army Selected pan Burma Selected ding a kipan tah zo ahi hi.
1965-68 sung Sel Khan Mang Burma Army Team ah Sui a goal khup siam mah mah hi. 1963 kum Kham Cin Khup in (Penalty) a suih leh Germany Army Selected kungpang pa kha in si mawk hi. 1963 kumin zi ka nei hi. 1964 kumin Burma Selected in hong kiteel hi. 1972 kumin galkap pan pension ka la hi. Bumzang ah tawlkhat hausa sem in si hi.