Minpi: Khup Suan Sing Gualnam @ NauSing
Pianna leh khankhiat na: Kahgen khua, Tedim ah khangkhia.
Pilna (laitan): Tedim sangpi ah kah, Tan10 ciang bek kah in phi kha lo aa khawl kha.
Pian/suah kum : 1995 ( Tun kum 27 phata ).
Pianna Tuun leh Zua min: – Niang Khan Vung – Khen Khan Nang (Gualnam)
Pianpih laizom te min: Ko Unau 8 pha , Pasal 5 leh numei 3 lak ah kei a Nautum nihna.
Ukna ( Hobbies ): Guitar/ Ball/ Lasak/ Sabeng. LST mun: Paunak 3:5 – Na lungsim khempeuh tawh Topa muang inla, nang’ theihna suang kei in.
GZC Q1. Martial Arts (TKD) kum bangzah na phak pan sin in ki pan na hia” na Master te kua te koi khua ah Training cih nong gen thei ding hiam?
NS- Taekwondo siamna ka sin na munpen mun nih hi in 1na ah ka U pi nihna Philip Mang Lam Pau (Taekwondo 1stDan) in tan3 ka kah aa kipan ka tan10 dong ong hilh to in a kum in gen ding cileng kum7val . Nihna ah Yangon Taekwondo Club)(YTC) Master Soe Moe Lwin kiang ah Black Belt (1stDan)
ka ngah dong sin in 2ndDan zong test khin in tulaitak 2nd Dan certificate ka ngak laitak hi .
GZC Q2. Taekwondo sang hong cih zong na za ungh. Koi khua ah sang hong?
NS- Taekwondo sang pen Kawlpi ah hong ing. sangmin pen “Kalay myo Taekwondo Club ( KTC) cih min tawh Martial Arts sang inn na hong ing ..
GZC Q3. Taekwondo Martial Arts sang na hon na-hang leh na ngimna tawm nong gen thei tam?
NS- Hi hong gen thei mah ning. Ka ngimna om mah ei” No.1 na ah, Tu hun ciang ei zomi sungah Exercise bawl aa Martial Arts ki sin ki tam nai het lo hi, Hih siamna te sin in siam mahmah leng guihtheih, khamtheih ki zang nuam nonlo in ei leh ei Self Defence na dingin a hoih mahmah khat hi. No. 2 na ah, Mai lam ah “ei zomi te sung ah Taekwondo siam tampi ong kibeh lap in siamna siam tampi i om ding pen ka lunggulh hi. Siam na nei leng’ mi hehpih na-itna ki nei zaw a hih man in khangno ten sin huai mahmah hi. No. 3 na ah, Khangno te a mau leh a mau kimuanngamna nei in amau leh amau a kikep kidal zawh na ding (adiak in numei te) ki sam zaw lai hi.
GZC Q4. Zomi sungah Martial Arts siam lakpan sia (sifu) na theih khak a om hiam, nong gen thei tam?
NS- Om mah ei, Ka zahtak mahmah leh ka et teh mahmah a hi. (1) The first Zomi Kungfu Action movie Director a hi , Master Laizom Kampu Tulsa USA. (2) Khai Za Siam @ KhaiBoih (Taekwondo) Myanmar player Exile movie Actor). (3) Philip Mang Lam Pau (Taekwondo 1stDan ) ka Master taktak cileng ki khial lo ding.. Tualo a dang ka lawh vat theihloh dang tampi te zong zahtak mah mah ing .
GZC Q5. Taekwondo kitupna / kidemna khong na kihel ngei hiam?
NS- Taekwondo kidemna pen Club leh club kidemna te ah kei level/ kei weight ah bel a khatna la den zaw ing Chin State min tawh Naypyidaw ah ka kidemna ah bel khatna la zo keng,
GZC Q6. Na lunggulh ngiat teng nonggen thei ding hiam?
NS- Ukna ka hauh lak ah a lian nih nei ing. 1. Taekwondo 2. Zomi Movie zaih ding 3. Taekwondo sang hongding. NAU SING cih Facebook page 3-leh Nau Sing official cih YouTube channel nei ing
GZC Q7. Mai lam Future plan geel kholhna na nei hiam?
NS- Future plan ah: 1.Taekwondo sang minthang suaksak zawh na ding. 2.Famous contents creator khat suak in YouTube, Facebook page leh social media platform tuamtuam pan income hoih neih zawh na ding. 3. Action actor khat suak in USA-ISTAR video production ,THANG MUNG FLIM te tawh movie kizaih zawh na ding hanciam nuam ing.
GZC Q8. Zomi zogam hoih na ding in bang ki sam nasa pen aa??
NS- Ei zomi te ih khangtoh theih na ding in’ ki pumkhat photphot in IT na ki khah khia zo leng hong nuam mahmah ding hi. Zomi te ki pumkhat na ding in online pan fake account zangh in minam a khenkham online zuaukhem tampi te thugen umlo in thuman a thei nuam ten a pualam ah kan tel in hileng kisiatna tampi omlo tuam ding hi. Lungdam.
GZC Tanute: Manlah, buai pipi mahtawh na hun manpha hong khenkhia teta nahih manin nang sangsang in koh lungdam zaw ung. Mailam ah nasinna, nasep, na kalsuanna ding te ah hong lamzang toto lai in maw.