Min pi: V C Mang NauLak
Kham khua: Anlangh
Suahni: 8th Nov 1968
Tulian omna: Kawlpi RTC veng
Pianna Tuun le Zua min: – Cinh Khaw Dim ( Nu ) – Am Za Thang ( Pa ) Ka pian pih unau 10 pha in 9 dam lai ung Kei a lai pen hi ing.
Ukna (Hobbies) : Lasak, la phuah le music tum
LST mun: Late 27:1
Innkuanpih: 1994 December kha 24 ni in kazi Siamah Awi Khan Dim tawh ki pumkhat ka suak uhhi. Pasian hong piak tanu 2 le tapa 1 nei ung
GZC Q1. Hong dongpah saisai nung, lasak le music lam na kidiah zawh asawt ta na. Album/Mv bangzah bawlkhin, Nong genthei ding hiam?
VC- Ka neu tung pan lasak na uk ing, kum 10 kiim khawng pan in zeisu ong it na thu za in ka piang thak a tuni dong Pasian min phat in a nungta pa khat ka hihi. Pasian min phat a lungsim khempeuh pia a Pasian biak thupi ka sak penpen a hihi. Tuni dong Khamtung ih Gam leh zang gam ah gospel ka pai zelzel hi. Pasian min phat na la te phuak in sa in USA, Australia, Europe gam, Malaysia, India gam dang te ah ka zin kawi kawi hi. La ka phuah pen a dawng pha zah sim ngei lian keng.
GZC Q2. Zomi sung nangmah bangin mangla leh minam dangte i la vasak pihthei le va tumpih theiding ih neih na angtang hiam?
VC- Hi angtang kisa ing, kei zong namdang te la kasiam pen Lusei la, kawl la le Mang la tawmtawm sa thei ing.
GZC Q3. La/Music/Note nang ii idea ngiat tawh nagelh gei hiam, Na music/laphuah/na lasak lakpan hoih nasak pen in bangla?
VC- Ka la phuak sung ah ka deih pen “Mite sang” a cih hi tuako ka la phuah sung pan ih mipih ten a deih, kei ong phawk masak na late in :- – Mual Siangtho – Gal omloh na – Topa ka nopna cih te zong a hihi
GZC Q4. Zomi te koici kalsuan leng mailam ah music sung kipum khat in ki khangto theiding?
VC- Zomi te mailam kalsuan dan ding pen kiniam khait na, Mipih te thupi sim theih na kisam sa pen ing.
GZC Q5. Music tawh a kisailo na gennop khatpeuh hong luikhia dingin hong thuum ungh.
VC- Global Zomi Celebrity ten nong phawk khak manun Lungdam ing.
GZC Tanute: Manlah, buai pipi mahtawh na hun manpha hong khenkhia teta nahih manin nang sangsang in koh lungdam zaw ung. Mailam ah nasinna, nasep, na kalsuanna ding te ah hong lamzang toto in maw.
