Minpi: Khai Sian Langh
Kham khua::Phaiza
Suahni:May 14,1976
Pilna:Tan 10
Pianna Tuun le Zua: – Cing Ngaih Dim. – Cin Go Thang ( Pa )
Sanggam te min: Nu Ciang Khan Cing. Nu Uap Khan Lun. Pa Cin Za Khai. Nu Khai Zam Niang. Unau 5.
Ukna: Music leh Tangthu gelh
LST mun: Ka piangthak na John 3:16. Ka bulphuh: Late 37:5
GZC Q1. Lasak/Music sung na kidiah zawh asawt ta na. Nong genthei ding hiam? B
JL: Music sungah; Kum 1990 pan music siam te state show bawlna ah kihel ta ing.
GZC Q2. Zomi sung kawlla, mangla leh minam dangte i la vasak pihthei le va tumpih theiding ih neih na angtang hiam?
BJL: Minam dang te la basal pih theih va tumpih thei pen angtang mahmah ing. – Naungek khat in Ann hong nek theih ciang a Khantohna ki mu a,lam hong pai theih teh mi tawh hong ki Khawl thei uh hi.
GZC Q3. La/Music/Note nang i idea ngiat tawh nagelh gei hiam, Na lasak/laphuah/ lakpan hoih nasak pen in bangla?
BJL: Music note, La khum sak te Keima idea vive hi zaw in,lasa ngei lo.la ka phuah lakpan,”ka lungmuanna Topa “a cih hoih sa pen ing.
GZC Q4. Zomi te koici kalsuan leng mailam ah music lam ki khangto theiding?
BJL: Zomi music khantoh na dingin,copy lasa ding, copy music tumzaw ding. Mite tum theih bangbang tum thei ding. Chitsanmaung in Mangkang te tum theih banga tum thei ahih man a, mi a ban suak ahi hi. Idea pen ih siam ciang ong lut pan a,ih siam na dingin,mangla music hoih te etteh a tum ding kisam hi. Gentehna: Hotel California la bang Zola tawh sa kik ding hi leh Tua music tum thei ding,kibang sak ding.
GZC Q5. Music tawh a kisailo na gennop khatpeuh hong luikhia dingin hong thuum ungh.
BJL: Ka gennop thupi pen ah, Pasian zahtak masa ding.Ih talent pen mah Tupna nei ding,a kikal hamsatna te thuak tinten ding. – Gensiat na leh lungkiatna pen ih thuak ding hi a,ih zat ding hilo hi. Ka lungdam.
GZC :- Nang sang koh lungdam zawkan ungh, hungeel sa hong picinh nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzangh toto laita in. Na Zomi pihte in hong angtang ungh ey maw.
