Pu Zel Za Dal

Thupatna

Keimah Pu Zel Za Dal in Pu Kham Za Cin (Hatlangh) leh Pi Ciin Khua Zente sung panin 15 June, 1935 ni in Laaitui khua ah ka suak hi. Unau pasal 5 leh numei 2 lakah pasal a thum na ka hi hi. Pu Gin Za Kam leh Pi Vung Za Ciangte’ tanu 4 na Nu Niang Khua Dim tawh June 15, 1965 ni in Zo ngeina in ka kiteng uh hi. Tapa 5 leh tanu 4 ka nei uh hi. Ka tate min, pilna sin zia leh nasepte a nuaiaa bang ahi hi.

1. Tg. Cin Thawn Nawl

2. Sm. Zen Dot Mang,

B.A.(Hist); M.Div.(MIT,Yangon); M.Th.(Missiology) S.Korea

– Assistant Pastor, Tedim Baptist Church – Yangon (TBC-Y), – Director, Zomi Numei Kipawlna, Yangon (ZWOY) 2015 – up to date.

3. Pa Cin Theih Tuang
   – Tan 10 a on khit ciangin Singapore ah kum 10 bang nasem in om hi.A zi Awi Lam Lun tawh tapa Tg Dal Sian Mang nei uh hi.
4. Sm. Ciang Lam Dim- LHVzaatawhSuangzangkhuaRHCzatoahkumpinaseminapasalPaCinKhanKhaitawh tapa 2 (Tg. Sing Lian Kim, Tg. Dal Sian Sang) leh tanu Lia Vung Sian Lian nei in Suangzang khua ah om uh hi.
5. Lia Ciang Lem Vung, B.A. (Hist) Yangon; MACS (MIT, Yangon). – CESchoolTeacher(TBC-Y)

– Secretary,PenielEvangelism&SustainableCommunityDevelopment,Yangon.

6. Sm. Kham Deih Cing, B.A. (Geo), Kalay.- JAT post tawh Pangsak khua ah sangsia semin a pasal Pa Pau tawh Pangsak ah om uh hi.
7. Tg. Zam Lian Khup, B.Sc (Honors); M.Sc (2nd year), AGTI (Insein, Yangon); Diploma in English(UFL,Yangon), Master in English (ULC, London, UK).
8. Tg. Pau Suan Mung, B.A (Business Law, Yongon)- Chicago, USA ah teng hi.
9. Tg. Pau Khan Thawn, B.Sc (Chem) Yangon; Diploma in Video Editing.

Sangkahna le nasep kipatna

June 1, 1947 ni in sangkah ka kipana, 1951 kumin Tan 4, 1961 kumin Tan 10 (Roll No. 392) ka zo hi. Sumlehpai haksatna hangin College or University zom theilo ka hih manin 1964-65 kum pan kumpi nasep ka kipan hi.

Training kahnate

20.9.1965 pan 16.12.1965 dong Hmawbi khua ah kah. 3.7.1967 pan 14.11.1967 dong Mingalardon khua ah kah. 6.10.1972 pan 24.1.1973 dong Mingalardon khua ah kah.

Nasepte

1960-61 : Laaitui Private sangpiah huhsia.
1963 : Laaitui Private Manglai sangah Principal.
1964-65 : Kumpi sumbuk sai, Lawibualah sem (Pu Kham SialKhup sai ah) 9.1.1968-1970 : Township Party Unit Committee member ngah.
1971-1975 : Township Party Unitah Secretary sem.

June1974-1977 : Township Party Unitah Chairman sem.
1973-1977 : 2ndterm Central Party Representative sem.
1977 : 3rdterm Central Party Unit Representative sem.
1974 : 1stterm Chin State Counsillor sem.
1977-2.3.1978 : Township Co-op Societyah Secretary sem.
2.3.1978 – 9.11.1981 : Court and Judicial, Tedim township ah Chairman sem. 9.11.1981 – 1985 : Tedim Township Council ah Executive Committee member sem.

Laaitui khua ading ka sepkhiat a thupidiak pawlkhat-te

Ka pianna leh ka lamkiatna ahi Laaitui khua adingin ka neutung a kipan ka khangno hun, kumpina kasep sung leh tudong mahin deihsakna ka neiden hi. Ka sepzawh hunlai a ka sepkhak pawlkhat kong pulak khia nuam ing.

1. Canteen; Laaitui khua ah Canteen a kihon theih nadingin ka hanciam pih a, 1960 kum cianginTownship Officer U Hla Swe tungtawnin vanzuakna procos kingah hi. Mitampi in kiphattuam

   pih banah innpi khat kilam a, hausa zum in kizangsuak thei hi.

2. Laaitui khua ah Post Office kee khat kisam sa in ka hanciam leuleu a, 1964 kumin kingah a,nasem khat leh laipuak khat kingah hi. Tu dongin hih nasepte a kiplai suak hi.
3. 1983 kum Township Council Executive Committee member kasep hun laitak in Laaitui khua ading ka hanciam theih zahin ka hanciam a, Sialtuinek veng ah Zolai Tan 4 sang ka vaihawmpihhi.
4. 1954 kum a kipan Laaitui khua khangnote gawmtuahin Khangno Union phuan in President kasem hi. Hih Union vaihawmna tawh 1960 kumin Private Manglai sang ka phuan uh a, tua sang apuah akhangto sak dingin siate sungah ka kihel to leuleu a, hih sang pen kumpisang a suah theih nadingin min thuhin kumpi ah a ngen makai khat zong ka hi hi.

5. 1960 kum pan kipanin Tedim Township pan Laaitui ah tua pan Rih tuili dong motor a tun theih nading deihin Hualngo lam hausa makaite tawh kimu kawikawi in kum 10 geelna (10 year plan) bawlin ka hanciam tawntung hi. Ka pawlzot zel pen Sia Vungh Khan Go leh Sgt. Khup Za Thangte ka phawk zel hi.
6. 1966 kum ciangin motor lampi vai leh Township office vai a nial, a ngen dingin tangpi sawlnatawh keimah makai in tua huna hausa Sgt. Khup Za Thang leh Pu Vungh Khua Lian tawh khe lam tawnin Hakha khuapi aa om Zozum ah ka pai uh a, U Son Khua Lian tawh hoihtak ka kiho thei uh hi. Inn ka tunkik uh teh tangpi kaikhawm in motor lampi tawh ding vaihawm in hausate makaihna nuaiah motor lampi tote a uk ding mi 7 committee ka phuan uh hi. 1.1.1967 ni ciangin Lamzang khua biakinn pan kipan in motor lampi tawh kipan in, 8.2.1967 ni in Mansuang lei ah zawhna pawi kibawl in Sial khat kigo hi. Tua ni in Pa Pum Za Do tapa Dal Khen tui kia in si hi.
7. 1979.4.19 ni ciangin Laaitui khua sung motor lampi tungta a, Sial 4 leh vok 2 tawh lamzawhpawi kibawlin Chin Usi makaipi U Son Khua Lian makai in Chin State ulian te motor 7 tawh hong pai uh hi. Tua lamhonpawi ah hausate tawh kikum in deihgetna lai Seuhlua keimah in ka at a, khutlam a hoihzaw deuh dingin Sia Zel Do Nang leh Sia Ngul Khan En te teikik sakin uliante maiah Hausa Sgt. Khup ZaThang ka gensak hi. Tua sunga ka deihnget thute uh pen;
   1. Motor lampi hong piak nang.
   2. Mansuang ah siik gunlei hong piak nang.
   3. Taihne Zato (Station Hospital) hong piak nang.
   4. Tan 10 sang hong piak nang
   5. Tui nek kicinglote hong huh nang cihte kingen hi.

Thukhupna

Ka nuntakna sungah Pasian in thupha hong piaknate ka sim ding tampitak omlai hi. Kei bang lelkhat Pasian in hih ciang hong semsak in thupha hong pia ahihleh ei Laaitui khua tate sungah a pil a siam tampitak om ih hih manin tuate in kilungtuakin na lianpi hon sepzawh lai dinguh ka khan sunga ka lamet thu ahi hi. Khang kidawmto diamdiam in ih khua ih tui a khantoh nadingin mapang khawm diamdiam ding hihang cih thukhupna in nei in kong pulak nuam hi.

Laaitui khangsawn momnote ih biak Pasian in thupha hong pia ta hen.

Source: Laaitui Magazine 2020 pan kila