Thuklai Siapi C. Mang Thawng leh Pi Ciin Khaw Mangte sung pan piang ta 11 pan a 10 na hi a, 13.2.1960 ni in Thuklai-ah suak hi. 1981 kum in B.Sc.(Physics) degree ngah a, BRE zong ngah beh lai hi.
Nasepna: -1983-85- Yangon Laito zum, -1985-Gagetted
Officer Post tawh Road Transport Authority Department, – 1996- Assistant Director, -2004-Deputy Director zaa tawh Irrawady, Shan, Kachin ah Head of Department, 2013 May 15- Director ngah a, Myitkyina panin Nyipyidaw Head Quater tung hi.
Zi le tate: 5.5.1989 in Lophei khua Lt.Co. Son Za Thang’
tanu Nu Cing Man Pau tawh kiteeng a, tapa 3 nei hi. Tapa lian
bel Mang Thawng Ngam Khai kum 10 a phak in lungtang natna tawh si hi. Zato lup sung sanggam lawm le gual te vehna sumte moh lei nuamlo in a pa kem sak a, hong nusiat ciangin tua sumteng upna khaici in tuh in “Mang Thawng Ngam Khai Foundation” min tawh in a mah phawkna foundation ki pan hi. Tapa nihna, Thang Lian Mung, Dental University II years, Tapa thumna, Mang Khan Zo, University of Medicine, III year.