Phaiza khua Pu Am Gin (Hatzaw) leh Pi Zen Don sung pan 1947 kumin Phaiza ah suak hi. Anu in nusia baih a, a pu anglum pan khangkhia hi. Phaiza SPS pan tan 4 zo hi. SHS Tedim ah tan 7 ciang kah a, nuntak haksatna hangin khawl in sum zon kipan hi. Phaiza khua Pu Gin Za Thawn (Gualnam) leh Pi Ngai Khaw Ning te tanu upen Nu Cing Sian Man tawh 1966 kumin pumkhat suak hi. 1973 kumin Pu Za Dawl tungtawn in Piangthak hi.
Pasian in tapa nih leh tanu nga pia hi. 1.Nu Don Sian Nem (B.A,B.Sc) + Rev Than Lian Pau (B.Th, M.Div) USA. 2.Pa Gin Sian Mung (Dip.Th, M.Div) + Nu Cing Ngaih Ciin (B.A). 3. Nu Ning Sian Lun (B.Th, B.Sc (Hons), MSC, M.Res) + Rev Suan Khan Zam (B.Th, M.Div).4.Pa Thawng Sian Thang (B.A) Keyboard, Agape Church. 5.Lia Zen Sian Nuam (B.A, B.Th, M.Div) Youth Pastor, Bethany Church. 6.Lia Vung Sian Huai (B.A).7.Lia Khai Sian Cing (USA). Nuntakna haksatna hangin aneu tung mahin sumzon kipan in Pasian in asep bangbang thupha pia in hong khang toto a, Tedim ah taih inn gol mahmah dawlthum, kawlpi ah taih innpi khat leh yangon ah taih khan khat nei uh hi. Tua banah Isuzu motor pi khat, Willy Jeep khat leh Super roof te nei uh hi. Inn leh motor te sanggam u leh nau sung leh pu tuu leh ta te adingin azat banah Pasian nasep nadingin avekin zangthei hi.
Pasian ading kipiakna: -19671975 Phaiza Hunter Quartet min tawh laa sa in vak kawikawi hi.-1973 kum Loud Speaker leh Casset lei in, Phaiza khua leh Tedim gam sungah Gupnathu genna dingin piakhia hi. -Bethel Bible College Sang dingin Tedim taih innpi dawl laizang pen 1991-2004 dong phaltak in piakhia hi. -BBC sang panin Sang Board khat ahih banah a tuntun na ah AG Pawlpi upa sem hi.-Phaiza AG Pawlpi piankhiat nading leh Biakinn pi din zawh nading leh Bethel Bible College leh Bethel AG church ading mapang madawk te ah kihel thei hi. -Rev Dam Suan Mung (D.D) akipan, Laisaiangtho sangkah te leh Pasian nasem te ahih theihna zah tawh panpih in huh kawikawi hi.-A diak in Phaiza khua mite adingin Tedim innpi, Kawlpi inn leh yangon inn te zintunna pai khai na, tawl ngak theihna inn bul inn pi hong sepsak hi.-Khua leh tui, beh leh phung u leh nau, pawlpi ading ma apan laitak in, git neihlo pi in hong bawlpa hong tan pa, Pasian anglum ah 15.12.2004 ni-in hong ciahsan hi.