Mualbem khua Pa Phawng Cin (Zahlang) leh Nu Kam Za Awi (Sukte) te sung panin 15.1.1950 kumin Tedim gam Mualbem khua ah suak hi. Kum 4 kaphak in ka pan hong sihsan hi. Zi nung ta kahih manun bii inn no khat ah inn tuan in 1961 kum ciang Muibial ah kiteeng phei uh hi. 1957 kum ka inn uh hong kat ciang sangkah zo nawnlo in Khuasak khua ah keel leh bawng cingin kumkhat sung ka om hi. Tua khit ciang leipi ah kha 6 sung bawng cing mahin ka om leuleu hi. Tua lai panin Kala Workshop ka Pu Habahadull kiangah ka om hi.
Nasepna: Ka pu in nasep abanban in hong sinsak hi. Pum zap, sik sat, sik sek, gahi saw, welding kap hih nam nga teng hong sinsak hi. Ka siam ciangin kha khat ks. 5 tawh kum 4 sung ka sem hi. Inntuan ding kanget leh ka pu in kum 3 sung ong huh lai in hong ci-in kha khat ks. 50 tawh kum 3 sung ka om thuah hi. Tua hun laitak haksa ka sak hang sum deih na, sum zeek dan, akipan leh ka theih lop pilna tampi kangah beh hi.
Workshop Inntuanna: 1970 kum ciangin ka pu in lungkim takin nasep nading van aki sam bangbang tawh inn hongtuan hi. Workshop kasep sungin kei ading bek ngaihsun lo in khua leh tui leh midang te ading ngaihsun kahih manin siamsin nuam khempeuh kasin sak hi. Kei kiang pan citak a khang to mite tung ah ka lungdam mahmah hi.
Zi leh ta neihna: Mualbem khua Zahlang beh Pu Lian Kho Zam leh Pi Ciin Za Luan te tanu Lia Niiang Khan Nem tawh 16.3.1973 ni-in pumkhat suah na kanei uh hi. Pasian in tapa 2 leh tanu 7 ongpia hi.
(1) Nu Awi Sian Nem B.A (Geography) + Pa Thang Lian Cin (Songput) Kaptel.
(2) Nu Luan Ngaih Nuam Matric + Pa En Za Cin (Hatzaw) Zampi.
(3) Nu Cing Sian Huai B.A (History) + Pa Suum Tul Sawm Thang (Naulak) Dimlo.
(4) Pa Cin Lian Mung B.A ( History), BRE + Nu Pau Sian Nem B.Sc (Physic) Mualbem.
(5) Nu Man Khan Hau B.Sc (Math), B.Th, M.Div + Pa Van Lian Thawng B.A (Hist) Hakha.
(6) Lia Zam Nuam Cing B.Sc (Zoology)
(7) Nu Thang Khan Dim B.Sc (Math) + Pa Dong Khen Mung (BCMC) Mualbem, Australia.
(8) Lia Mang Tawi Kim B.Th, M.Div (2nd Years), Philippine.
(9) Tg Khual Kim Sang B.Th, Philippine.
Chin Taung Tan tawh nasepna: -15.11.1985 ni-in Bus Car tawh kawlpi-Tedim gate nasep ka kipan khia hi. -1992 kum ciang kawlpi, Tedim, Tonzang, Falam, Hakha khua te ah gate kihong hi.-1998 kum ciang kawlpi, Mandalay, Gunkhawm, Tamu khua te ah gate kihong hi. -2016 kum ciang Tedim, Kawlpi, Zangkong tai leuleu hi.Neih leh lam Topa piak:1. Motor, Super roof (1)2. Motor, Maan Long (3)3. Jeep Car (1)4. Meiset & T.V set (2) 5. Welding Set (1).Inn leh Lo Topa piak: (1) Tahan Boyoke Road ah taih innpi dawl (4) … … (1) (2) Tahan Boyoke Road ah Nankat taih dawl (2) … … (1) (3) Meileng Bota mai ah Nankat taih dawl (2) … … (1)(4) Tahan Bawlung tual mai ah sing inn … … (3) (5) Phai khua ah van khol na sing inn pi … … (1).