Pu Tun Kho Zam (Ngaihte) leh Pi Vung Za Ciin (Sukte) te sung pan 21.4.1946 ni-in Chin State, Tedim myo ah suak hi. Unau sanggam guk lakah athum na hi. (1) Vial Za Kam (Rev Zam Lam Kham –Happy Family, Mandalay) pian na pa hi, (2) Siama Khan Za Cing, (3) Rev Cin Khan Thang, (4) Nu Niang Khen Vung, (5) Rev Neng Khan Suan (Trinity AG Mandalay), (6) Nu Cing Man Niang te hi.
Zileh tate: Rev Mang Cin Thang (Taithul) leh Nu Cing Khan Mang (Thant Nyun) te tanu upa pen Rev Hau Khen Cing tawh 20.7.1974 ni-in Rev Hau Lian Kham in CMBC (Tedim) ah siangtho kiteenna neisak hi. Pasian in tanu 3 leh tapa 2 pia hi. (1) Pastor Ciin Lam Lun + Pa Soe Moe Aung, (2) Rev Mang Ngaih Khawm (HIC, Singapore) + Pastor Thang Zom Khai (HWC), (3) Rev Zam Suan Kim (HIC, Singapore), (4) Pastor Ciin San Nuam + Pastor Ko Ko Naing (HAG, Monywa), (5) Pastor Thang Sian Sang (HWC, Yangon).
Sangkahna: 1964 kumin SHS Insein panin tan sawm (matric) zo hi. 1965-68 kum AGTI (M.T) Mechanical Engineering zo hi. 1969-1972 sung Lohta College Yangon ah B.Sc (Chem) kum 2 ciang zo hi.
Nasepna: 6.8.1968 kumin Kawlgam inn singno nasepna ah J.E tawh ki pan hi. 1968-1972 Yangon, 1972-1973 Kalemyo, 19731982 Kalemyo, 1982-1983 Taungngo Myone, Shua Myo, 1983-1987 Pegu Myo, 1987-2006 Monywa assistant general manager ngah hi. Kum cing pension tawh tawlngal hi. Pasian nasepna: 1992 kumin Ahlon Monywa ah Hallelujah Assembly of God.
1.3.1997 kumin Rev Daniel MC Carty tungtawn in Ordination (Reverend) ngah hi. 2006-2015 dong Bishop Abraham Gaor tawh kithuah in “Recover All Ministry” min tawh Kawlgam Director sem in Kawlgam khuapi te ah bawl kawikawi hi. 1.1.2008 kum atapa Rev Zam Suan Kim (Kimpu) tungtawn in Hallelujah International Church Singapore ah phut hi. 14.5.2013 kumin atapa Thang Sian Sang (Sangpi) tungtawn in Hallelujah Worship Center phut hi.
2015 kum pan a innkuan pih te tawh Hallelujah International Ministry min tawh gam sung gam pua ah Singapore, USA, UK, Japan, South Korea, Israel, Philippines, Malaysia, Macau, Australia, Thailand gam te ah Pasian na sem hi. Kawlgam sung section leh district council ah zong panmun alak laitakin 8.7.2017 ni-in Topa anglum ah tawlnga in, 10.7.2017 ni-in kivui hi.
Thupi deuhte:(1) Kumpi nasep sungin Finland, Chekoslovakia, Thailandte ah pilna sin hi. (2) 1982 kumin pianthakna hangin Kalaymyo tuiphum pawlpi in hawl khia hi. (3) 1975 kum pan tuni dong mang pau, kawlpau, zo pau deih bangbangin khia thei hi. (4) 1.3.1994 nitak in Monywa 909 B.E. galkap len ah gupna thu a gen laitak in zukham, dawilut, galkap, Soeminn in tem tawh li vei dawt a, Pasian in dal a hih manin a dawtpa livei mah thal tuk hi